PYAS INSA.N KE LAHU KI BHOOK SHOHRAT KI TALAB,
JANE KISS MANZIL PE LE JAYEGI TAAQAT KI TALAB...!
JISM KI QEEMAT TO BADH JAATI HAI YEH SACH HAI MAGAR,
ROOH KO KANGAAL KAR DETI HAI DAULAT KI TALAB.........!
BEHISI,MOHSINKUSHI,LAALACH DILAASE AUR FAREB,
YEH SIYASAT KI ATAA HAI YA SIYASAT KI TALAB.....!
QAID,ZINDA.N,DAAR,SOOLI,TAUQ,ZANJEEREN,RASAN
SEKDON UNWAAN HAIN AUR EK SADAQAT KI TALAB..!
DO LARAZTI PINDLIYAN KHULTE DAREECHE SARD RAAT,
WOH ZARURAT KA TAQAZA YEH ZARURAT KI TALAB...!
RAUNDNA PADTA HAI APNE MOHSINO.N KI LAASH KO,
TAB KAHIN TASKEEN PAATI HAI HUKUMAT KI TALAB...!
PYAAS HONTON KI NIGAHON SE AYAAN HONE LAGE,
KYA ISI KA NAAM HAI 'AKHTAR' MOHABBAT KI TALAB...!
*** akhtar rizvi
No comments:
Post a Comment