AKHTAR RIZVI....GHAZAL

JO ZAALIM HAI WOH IZZATDAAR BHI HAI,

YEHI AB WAQT KA MEAYAAR BHI HAI.....!

CHIRAGHA.N KAR RAHE HO APNE GHAR ME,

ANDHERA TO PAS-E-DEEWAAR BHI HAI......!

UDENGE KYA BHALA ZAKHMI PARINDE,

YUNHI BE -FIKR PEHREDAAR BHI HAI....!

NA JANE KYUN TARAQQI KAR NA PAAYA,

WOH MOHSINKUSH BHI HAI MAKKAR BHI HAI...!

BAJA HAI MERA GHAR TOOTA HAI LEKIN,

SHIKASTA AAP KI DEEWAAR BHI HAI.....!

WOH JISKI LAASH URIYAN HAI SADAK PAR

YAQEENAN SAHIB-E-KIRDAAR BHI HAI....!

NA JANE DHOONDTI HAIN KISKO AANKHEN,

WOHI MAIN HUN WOHI GHAR-BAAR BHI HAI..!

BAHUT AASAAN HAI TARK-E-TAALLUQ,

MAGAR YEH FAISLA DUSHWAAR BHI HAI...!

HAZARON AIB HAIN MAIN JAANTA HUN,

MAGAR WOH SHAKHS MERA YAAR BHI HAI..!

YAQQEENAN AAP KE MAHLON SE KAM HAIN,

MAGAR KACHCHE GHARON ME PYAAR BHI HAI...!

MAIN 'AKHTAR' MUNTAZIR HUN SCEEN BADLE,

DRAAME ME MERA KIRDAAR BHI HAI......!!

***akhtar rizvi