NA JANE KAUN THA KAL JO TERI NAZAR ME THA,
HAR EK SHAKHS KHAYALAT KE BHANWAR ME THA...!
TUMHARI BAZM PE KYUN CHA GAYI THI TAREEKI,
KAI DINO.N SE ANDHERA TO MERE GHAR ME THA...!
MAIN AAJ TAK USE LAFZO.N ME QAID KAR NA SAKA,
NA JANE KAUN SA PAIGHAM USS NAZAR ME THA...!
TALASH KARTI HAIN ANKHEN HAR EK CHEHRE PAR,
WOH KAUN THA KE JO KHWABON KI REHGUZAR ME THA..!
MILA JO WAQT TO PAAMAL KAR DIYA MUJH KO,
NA JANE KAB SE MAIN HAALAAT KI NAZAR ME THA..!
BYAAN-E-HUSN ME KAALAM SIYAH THE 'AKHTAR'
HAMARA ZIKR TO BAS AAKHRI SATAR ME THA...!!
akhtar rizvi
No comments:
Post a Comment